स्कोअरग्राफ मिडीया
इंदापूर येथील श्री नारायणदास रामदास हायस्कूल मधील सहशिक्षक श्री अरुण लक्ष्मण राऊत यांची कन्या हर्षदा अरुण राऊत हिने नीट युजी ( NEET – UG) या वैद्यकीय क्षेत्रातील अभ्यासक्रमाच्या परीक्षेत 720 पैकी 660 गुण प्राप्त करून दैदीप्यमान यश मिळवले आहे. हर्षदा हिने कोणतीही शिकवणी न लावता केवळ घरच्या घरी अभ्यास करत नीट परीक्षेत कठोर परिश्रम, जिद्द व चिकाटी यांच्या जोरावर हे यश प्राप्त केले आहे. तिचे दहावीपर्यंतचे शिक्षण श्री ना. रा. इंग्लिश मीडियम स्कूल इंदापुर येथे झाले आहे व नंतरचे बारावी पर्यंतचे शिक्षण श्री ना. रा. हायस्कूल व ज्युनिअर कॉलेज इंदापूर मध्ये झाले आहे. तिला दहावी मध्ये 94.60 टक्के गुण व बारावी मध्ये 91.87% गुण मिळाले होते व दोन्ही वेळेस प्रथम क्रमांक मिळाला होता. गेल्या वर्षी तिला नीट परीक्षेमध्ये 560 गुण मिळाले होते. परंतु तिचा शासकीय कॉलेजमध्ये एमबीबीएस साठी नंबर न लागल्यामुळे खचून न जाता तिने जोमाने घरीच अभ्यास केला व हे यश संपादन केले आहे. या यशाबद्दल परिसरात सर्वत्र तिचे कौतुक होत आहे. या उज्वल यशाबद्दल माजी सहकार व संसदीय कामकाज मंत्री व इंदापूर तालुका शिक्षण प्रसारक मंडळाचे अध्यक्ष श्री हर्षवर्धन पाटील, संस्थेच्या उपाध्यक्षा पद्माताई भोसले , सचिव मनोहर चौधरी व संस्थेच्या वतीने तिचे अभिनंदन करण्यात आले. तसेच इंदापूर मधील अनेक सामाजिक संस्था व पदाधिकाऱ्यांकडून तिचा सत्कार करण्यात आला.
Author: Scoregraph Media
